Потпретседателот на САД, Џ.Д. Венс, изрази уверување дека разговорот меѓу претседателот Доналд Трамп и рускиот лидер Владимир Путин е клучен за пронаоѓање решение за украинското прашање.
„Многумина го критикуваат американскиот претседател за разговорот со Путин. Но, ако сакате мир, мора да бидете силни и мора да разговарате“, изјави Венс за „Фокс њуз“.
Тој нагласи дека Вашингтон треба активно да се вклучи во дипломатските напори со цел постигнување договор. Според него, Трамп е „првенствено фокусиран на мирот“, свесен дека продолжувањето на конфликтот води до дестабилизација, нови бранови бегалци и раст на цените на храната што директно ги погодува американските граѓани.
Москва повеќепати порача дека единствениот пат до одржливо решение е „реален дијалог со САД“ кој ќе ги земе предвид безбедносните интереси на Русија.