Соединетите Американски Држави и Иран постигнаа историска мировна спогодба со која се предвидува прекин на непријателствата и повторно отворање на стратешкиот Ормузки теснец.
Веста за договорот прв ја соопшти пакистанскиот премиер Шехбаз Шариф, кој имаше улога на клучен посредник во неколкумесечните тензии на Блискиот Исток, а подоцна информацијата ја потврди и американскиот претседател Доналд Трамп.
Според информациите што ги објави 4news.mk, како дел од оваа спогодба за прекин на војната, САД ќе ја укинат комплетната морска блокада на иранските пристаништа.
Официјалното потпишување на мировниот документ е закажано за овој петок во Швајцарија, јави „Скај њуз“.
На претстојната церемонија најавено е присуство на американскиот потпретседател Џеј Ди Ванс, а постои можност таму да патува и самиот претседател Трамп.
Агенцијата „Ројтерс“ пренесува дека нацрт-спогодбата предвидува во рок од следните 60 дена да започнат и дополнителни разговори кои ќе бидат посветени на иранската нуклеарна програма.
Пакистан ја презеде посредничката улога поради добрите односи со Вашингтон и Техеран, откако претходно во април 2026 година предложи двостепен план за итно примирје.
Претседателот Доналд Трамп на својот профил на социјалната мрежа Truth Social потврди дека теснецот ќе биде отворен бесплатно и испрати директна порака.
„Кораби на светот, стартувајте ги моторите. Нека тече нафтата!“, порача Трамп.
По оваа глобална објава, светските берзи реагираа веднаш, при што цените на нафтата на пазарите забележаа нагол пад.