Девет европски земји побараа од Европската комисија да ја продолжи флексибилноста за новиот Систем за влез/излез, познат како EES, поради проблеми во неговата примена.
Белгија, Франција, Германија, Грција, Италија, Малта, Холандија, Португалија и Швајцарија во заедничко писмо предупредуваат дека првите месеци покажале значителни потешкотии на граничните премини.
Тие бараат и по 6 септември 2026 година да може привремено да се суспендира земањето отпечатоци и скенирањето лице во услови на голем метеж, додека патниците сепак се евидентираат.
Од Европската комисија велат дека веќе постојат одредени флексибилности и дека остануваат во контакт со земјите кои имаат проблеми.
Аеродромите, авиокомпаниите и фериботските оператори предупредуваат дека системот создава долги редици и оперативни тешкотии во екот на туристичката сезона.