Дефект на електроенергетска мрежа во Гази Баба причина за прекинот на парното греење
Дефект на електроенергетската мрежа во реон на Гази Баба, на која е приклучена топлана Исток беше причината за прекин на испорака на топлинска енергија во Ново Лисиче, Аеродром, Кисела Вода и Центар, соопштија вечерва од БЕГ.
-Прекинот на испораката на топлинска енергија во тек на денешниот ден не се должи на дефект во топлана Исток. Дефект на електроенергетската мрежа во реон на Гази Баба, на која е приклучена топлана Исток, беше причината за прекин на испорака на топлинска енергија кон потрошувачите на Ново Лисиче, Аеродром, Кисела Вода и Центар, се наведува во соопштението на БЕГ.
Посочуваат дека дефектот на електроенергетската мрежа е отстранет во рок од 50 минути, по што за кратко време беше нормализирана испораката на топлинска енергија до потрошувачите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
