Светот се соочува со една од најдраматичните енергетски кризи во последните години. Цената на нафтата од типот „Брент“ денеска се движи меѓу 106 и 107 долари за барел, што е скок од над 50% во споредба со почетокот на годината. Овој вртоглав раст, предизвикан од ескалацијата на Блискиот Исток, веќе ги пали алармите за нов бран поскапувања на основните продукти и услуги.
Експертите предупредуваат дека осцилациите се секојдневни и екстремни, што укажува на длабока паника на пазарите.
„На почетокот на годината нафтата беше меѓу 70 и 80 долари, а денес веќе зборуваме за нивоа над 100 долари кои тешко дека ќе се вратат назад на старо. Ова е нова реалност која ќе ја почувствува секој џеб“, велат аналитичарите.