Д-р Исјановски: Не се туркајте за да не мора да ја ангажираме војската

Директорот на Здравствен дом Скопје, д-р Виктор Исјановски, во изјава за Телма апелираше до граѓаните да бидат трпеливи и да не создаваат метеж пред вакциналните пунктови откако започна имунизација против ковид-19 без закажување термин.

– Не можам да ви кажам зошто се случуваат турканици, но можеби луѓето гледаат да го искористат поладниот дел од денот и да дојдат во утринските часови. Сметам дека граѓаните не треба да прават поголеми гужви. Ова не е само еден ден. Ова ќе трае и во било кој период од денот, во прва и втора смена, граѓаните може да одат да се вакцинираат. Не знам зошто се создаваат гужви. Не би требало да се создаваат гужви и затоа напоменувам граѓаните да бидат трпеливи. Не почнавме со вакцинација денеска прв пат, па за да се создаваат гужви. Но, ако има потреба би побарале помош од полицијата или војската за создавање на ред – порача д-р Исјановски.