Центарот за управување со кризи (ЦУК) регистрираше соопштение за вкупно шест пожари на отворен простор на територијата на државата до 13:00 часот попладнево.
Според официјалните податоци, во моментов активен е еден пожар, четири се ставени под контрола, додека еден е целосно изгаснат.
Единствениот активен пожар е забележан на подрачјето на Општина Делчево, во близина на градските гробишта, каде што е зафатена ниска вегетација.
Под контрола на противпожарните екипи се четири пожари на следниве локации:
- Општина Василево, во селото Доброшинци (зафатена депонија);
- Општина Кочани (градска депонија);
- Општина Илинден, на локацијата Ајватовски Рид (ниска вегетација);
- Општина Желино, во селото Садларево (ниска вегетација).
Од ЦУК информираат дека целосно е ликвидиран пожарот во Општина Кочани, кој изби на улицата „Иван Иванов Балашо“ и зафати ниска вегетација.
Противпожарните тимови и надлежните служби остануваат на терен за спречување на евентуално повторно разгорување на пламените јазици.