Времето денеска ќе биде променливо облачно со сончеви периоди, а во попладневните часови се очекува промена на временските услови под влијание на циклонска активност. Од Управата за хидрометеоролошки работи информираат дека ќе се развива нестабилна облачност, проследена со дожд, грмежи и засилен ветер со брзина над 60 километри на час.
Локално се очекуваат поинтензивни временски процеси со пороен дожд, силни налети на ветер и можност за појава на град. Дневната температура ќе се движи од 28 до 36 степени.
Во Скопје претпладне ќе преовладува сончево време со мала до умерена облачност, додека попладне се очекува развој на нестабилна облачност со дожд, грмежи и засилен северен ветер. Максималната температура во главниот град ќе достигне до 33 степени Целзиусови.