Македонија во текот на наредниот период ќе биде под влијание на циклонска активност која ќе донесе променливо време, соопштија од Управата за хидрометеоролошки работи. Според метеоролозите, се очекува облачно време со повремени локални врнежи од дожд, но и пораст на дневните температури.
Поинтензивни врнежи се најавуваат за неколку дена, додека јужниот ветер ќе продолжи да дува со засилен интензитет.
„Според прогнозата на УХМР, пообилни врнежи се очекуваат кон средината на следната седмица. Ќе дува умерен до засилен ветер од јужен правец“, се вели во соопштението.
Дополнително, од УХМР нагласуваат дека студените утра се зад нас: „Температурите ќе бидат во пораст, особено утринските, кои насекаде ќе бидат позитивни“.