Американскиот претседател Доналд Трамп преку својата социјална мрежа „Трут Соушл“ (Truth Social) упати морничаво предупредување до глобалната јавност, најавувајќи дека вечерва светот ќе биде сведок на еден од најпресвртните моменти во историјата.
Трамп отворено прогнозира дека „цела една цивилизација ќе умре вечерва“, алудирајќи на иранскиот режим, доколку не бидат исполнети неговите барања за деблокада на Ормуската Теснина.
„Не сакам тоа да се случи, но веројатно ќе се случи. Сепак, со тотална промена на режимот, каде што ќе преовладуваат попаметни умови, можеби ќе се случи нешто револуционерно прекрасно. Ќе дознаеме вечерва!“, напиша Трамп.
Ултиматумот на Вашингтон истекува во 02:00 часот по полноќ по македонско време (20:00 часот во Вашингтон). Доколку Техеран не ги запре воените активности, Трамп се закани со „невидени последици“ кои би можеле засекогаш да ја променат мапата на Блискиот Исток.