Царовска: Граѓаните препознаваат што СДСМ направи за 2,5 години, и како ВМРО-ДПМНЕ 12 години ја рушеше државата

ВМРО-ДПМНЕ за закана за граѓаните, 12 години крвнички се однесуваа со граѓаните, студентите, со парите од државата и со институциите, покжаа целосно расипничко однесување, истакна носителката на листата на коалицијата „Можеме“ во првата изборна единица, потпретседателката на СДСМ Мила Царовска, во гостувањето во емисијата „Само вистина“ на Канал 5 телевизија.

-ВМРО-ДПМНЕ во нивната програма не нудат ниту нешто ново, ниту нешто што може понуди надеж, исто така имаа 12 години да покажат како се води држава и покажаа како се корумпира државата, се запоседнува судството, како се излеваат парите кај што не треба и тоа во фасади наместо во образование, социјална заштита, здравство, детски градинки, нагласи Царовска.

Tаа истакна дека граѓаните и тоа како, ќе препознаат што СДСМ направи за 2,5 години, и како ВМРО-ДПМНЕ имаше шанса 12 години, а наспроти тоа да гради, ја рушеше државата.

Донесовме праведна држава, заедно со граѓаните ќе направиме правна држава, на оваа држава не смее да и се случи обнова на режим, бидејќи ќе го загубиме европскиот пат, нагласи Царовска.

-СДСМ ќе победи зашто за само 2,5 години направи големи промени, ја интегриравме државата во големи семејства НАТО и ЕУ, го подобривме животниот стандард на граѓаните, ги зголемивме платите и минималната и просечната, но и платитие во јавниот сектор, инвестиравме во децата, ги зголемивме платите во здравството и одлично се справуваме со здравствената криза. И сега граѓаните повторно ќе дадат шанса на СДСМ и коалицијата Можеме, за да продолжиме по истата патека по која чекоревме заедно со граѓаните, порача Мила Царовска.