Во периодот од 14 до 19 септември 2026 година, двајца припадници на Министерството за внатрешни работи, припадници на Специјалната антитерористичка единица „Тигар“, учествуваат на меѓународниот натпревар „Штит Домовине“ во Дубровник, Република Хрватска.
По успешно поминатите дводневни квалификации за главната трка, припадниците на САЕ „Тигар“ учествуваа на главната трка во должина од 28 километри, со 927 метри висинска разлика, на која учесниците совладуваат низа комплексни препреки што бараат висока психофизичка и тактичка подготвеност.
Во категоријата странски натпреварувачи, припадниците на САЕ „Тигар“ го освоија 4-то и 5-то место, од вкупно девет натпреварувачи, во конкуренција на претставници од Австрија, Словенија и Унгарија, како и со припадници на Армијата на Република Хрватска.
Во генералниот пласман, од вкупно 86 натпреварувачи, припадниците на САЕ „Тигар“ го освоија 23-то и 24-то место.
Учеството на вакви меѓународни натпревари претставува можност за проверка и унапредување на физичката, психолошката и тактичката подготвеност на припадниците на единицата, како и размена на искуства со припадници на безбедносните сили од други земји.