Министерката за енергетика, рударство и минерални суровини Сања Божиновска денеска се обрати на настанот „Соларен ден – чиста енергија во пракса“, организиран од Агенцијата за иновации и научно- технолошки развој и претприемништво – ИНОВА, по повод 26 јануари –
Меѓународниот ден на чистата енергија.
Во своето обраќање, министерката Божиновска истакна дека одбележувањето на Меѓународниот ден на чистата енергија претставува силен потсетник за заедничката одговорност, но и за стратешката можност што ја има државата во процесот на енергетската транзиција кон одржлив, сигурен и модерен енергетски систем.
„Соларната енергија денес е еден од најважните столбови на националната енергетска транзиција. Македонија има сериозен сончев потенцијал и наша јасна стратешка определба е тој потенцијал да го искористиме максимално – преку стабилна регулаторна рамка, поддршка на инвестициите и активна улога на државата“, нагласи Божиновска.
Таа посочи дека изминатата година е забележан значителен раст на фотоволтаичните капацитети, како резултат на зголемениот интерес и од инвеститорите и од граѓаните, што ја потврдува довербата во соларната енергија како исплатливо и одржливо решение. Министерката нагласи дека Министерството не е само регулатор, туку активен двигател на
процесите, со фокус на државни инвестиции во соларни капацитети, системи за складирање на енергија и стратешко планирање на декарбонизацијата.
Во обраќањето беше истакната и важноста на партнерството со приватниот сектор, академската заедница и граѓаните, како неопходен предуслов за успешна и праведна енергетска транзиција.
„Енергетската транзиција не е проект на една институција. Таа е заеднички процес кој бара соработка, знаење и визија. Само така можеме да изградиме модерен, сигурен и одржлив енергетски систем кој ќе обезбеди подобар квалитет на живот и почиста животна средина“,
порача министерката Божиновска.
Настанот „Соларен ден – чиста енергија во пракса“, кој се одржа во Europe House, вклучи едукативна сесија и панел-дискусија за можностите и предизвиците на соларната енергија во Македонија, со учество на претставници од институции, академската заедница и компании од енергетскиот сектор.
Актуелно
- Божиновска: Соларната енергија е столбот на македонската енергетска транзиција
- Зајакнување на одбранбената соработка: Израел и Македонија започнуваат структуриран безбедносен дијалог
- Крај за метежот во Скопје: Се воведува „паметен зелен бран“ и целосна контрола преку „Safe City“
- Какво време нè очекува до крајот на неделата – УХМР најавува нови врнежи од дожд и снег
- Град Скопје почна со блокирање сметки: Над 39.000 граѓани и фирми на удар за неплатен данок
- Радовиш: Малолетници запалиле автобус паркиран во дворно место на училиште
- Министерот Хоџа на средба со амбасадорот Улусој: Македонија и Турција ја зајакнуваат соработката за животната средина
- Сали и Улусој на средба во Владата: Најавени нови турски инвестиции во земјава

