Министерката за енергетика, рударство и минерални суровини Сања Божиновска денеска во Скопје оствари средба со Кристијан Вирмер, државен секретар за Европа и меѓународни прашања и портпарол на владата на германската покраина Северна Рајна-Вестфалија.
На средбата беа разменети мислења за процесите во енергетскиот сектор, со посебен фокус на енергетската безбедност, диверзификацијата на изворите и развојот на модерна инфраструктура.
Министерката Божиновска ги претстави реформите за обезбедување стабилно снабдување со енергија, забрзување на транзицијата и усогласување со европските стандарди.
Посебен акцент беше ставен на развојот на гасната инфраструктура и регионалното енергетско поврзување за поголема отпорност на системот.
За време на разговорот беа разгледани искуствата на Северна Рајна-Вестфалија како еден од најзначајните европски индустриски региони кој спроведува процеси на декарбонизација.
Двете страни истакнаа дека размената на знаења и добри практики е клучна во областа на енергетската ефикасност, обновливите извори и создавањето услови за нови инвестиции.
Користењето на искуствата од развиените европски партнери беше оценето како важен дел од модернизацијата на македонскиот енергетски сектор.
На средбата беше заклучено дека постојат големи можности за зајакнување на институционалната соработка во контекст на евроинтеграциите и енергетската транзиција.