Борис Џонсон доби осмо дете: На својот син му даде необично име

Борис и Кери Џонсон објавија дека добиле син, третото заедничко дете и прво откако ја напушти премиерската функција на Велика Британија.

„Френк Алфред Одисеј Џонсон е роден на 5 јули“, се вели во објавата на Кери Џонсон на социјалните мрежи.

Новото бебе доаѓа по синот Вилфред и ќерката Роми, кои се родени за време на мандатот на Џонсон, пишува Би-Би-Си.

На инстаграм, Кери Џонсон рече дека семејството е „многу шармирано“.

Првото дете на Џонсонови, Вилфред, се роди на 29 април 2020 година, во првите месеци од кризата со Ковид-19, а нивната ќерка Роми се роди на 9 декември 2021 година.

Поранешниот премиер има четири возрасни деца со втората сопруга Марина Вилер и уште една ќерка од афера.

Тој немал деца со неговата прва сопруга Алегра Мостин-Овен.