Боки 13 поднесе кривични за најмалку 30 лица

Бојан Јовановски се заканува со кривични пријави против 30-тина лица. Неговиот адвокат вели дека се работи за дела поврзани со злоупотреба на службена положба, измама, давање лажен исказ, несовесно лекување. Дуковски не открива за кој профил на луѓе се кривичните ама вели дека се однесуваат на предметите Рекет и Меѓународен сојуз, пренесува Сител.

„Ние конкретно пријавуваме лица за кои конкретни дејствија кои што се поврзани со овие два кривични настани. Најмалку 30 лица и поради сериозноста на наводите во кривичните пријави  од страна на пријавителот  беше побарано  непосредно вклучување на најрелевантните меѓународни институции за заштита на човековите  права особено на најрелевантните светски амбасади кои имаат свои дипломатско-конзуларни претставништва во РМ заради содржината на тоа што се изјавува“, вели Сашко Дуковски, Адвокат на Бојан Јовановски.

Кривичните Јовановски ги поднесува во скопското обвинителство. Денеска по втор пат е таму откако минатата недела не успеал тоа да го стори во целост. Неговиот адвокат вели дека во прилог на пријавите, Јовановски доставил и документи за наводните злоупотреби.