Собранието на денешната 83. седница, со поддршка од 83 пратеници, го избра Бојан Маричиќ за нов претседател на Државната изборна комисија (ДИК). За потпретседател на највисокото изборно тело е избран Абдуш Демири.
Покрај раководните позиции, пратениците го изгласаа и новиот состав на членови на Комисијата, во кој влегуваат: Александар Даштевски, Ангелчо Ристов, Светлана Карапетрова, Борис Кондарко и Дитмире Шеху.
Во продолжение на седницата беа пополнети и позиции во други важни тела. За нови членови на Комисијата за спречување и заштита од дискриминација беа избрани Лимко Бејзароски и Наташа Ахмед, додека кандидатката Џинан Ахмед претходно се повлекла од трката.