Портпаролот на иранското Министерство за надворешни работи, Есмаил Багеи, денеска изјави дека Техеран нема намера да влегува во преговори со САД и дека е фокусиран исклучиво на одбраната на земјата, пренесува Ал Џезира.
Во разговор со новинарите, Багеи рече дека Иран ќе ги почитува своите меѓународни обврски само ако САД го сторат истото.
„Откако другата страна не ги исполни своите обврски, ние се воздржавме од исполнување на нашите, во сите области каде што беше потребно“, додаде портпаролот.
САД и Иран продолжија да се напаѓаат меѓусебно и го прогласија за неважечки меморандумот што беше склучен во јуни, со цел постигнување конечен мировен договор.