Автомобил удри во жена утрово во Тетово
Жена на 31 година како пешак е повредена утрово околу 5 часот и 20 минути во Тетово откако во неа удрил автомобил. Таа е однесена во тетовската клиничка болница каде е задржана за опсервација поради здобиените повреди.
– На улица „Видоја Смилевски-Бато“ во Тетово, патничко моторно возило „ауди А8“ со тетовски регистарски ознаки, управувано од 33-годишниот Д.М. од тетовско Фалише, удрило во 31-годишната тетовка И.Т, која потоа со медицинско возило била пренесена во тетовската клиничка болница за укажување на лекарска помош, информират портпаролот на СВР Тетово, Марјан Јосифоски.
На местото на несреќата увид извршила екипа од Секторот за внатрешни работи Тетово.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
