Aрсовска: Мостот Беласица е намерно запален од „хулигани“

Мостот Беласица во Скопје намерно е запален од хулигани, изјави градоначалничката Данела Арсовска во вестите на „Сител“ денеска по првичниот увид испратен до Град Скопје од МВР.

Според собраните информации и докази од МВР, најверојатно станува збор за намерно потпалување на мостот. Арсовска побара институциите да постапат посериозно и ефективно во пронаоѓањето на сторителите и истите да бидат веднаш санкционирани.

Мостот „Беласица“ е надвор од функција за сообраќај околу еден месец. Во моментов се чека да биде комплетирано вешатчењето, за кое не се знае кога ќе заврши.

Поставените барикади се присутни сеуште, а на терен ги нема полицајците кои треба да ги пренасочуваат граѓаните. Мостот го користат пешаци и велосипедисти, но и моторциклисти.