Лишени од слобода 11 лица на територијата на цела држава во текот на изминатото деноноќие затоа што кај нив е пронајдена дрога
На 03.06.2026 во 14:30 часот на Граничен премин Табановце, на влез во државата, полициски службеници ја лишија од слобода Г.С.М.(53) од Сојузна Република Германија. При контрола на кампер „фолксваген“ со германски национални ознаки, кој го управувала, биле пронајдени и одземени повеќе пакувања и кесички со бела прашкаста материја и марихуана, 82 помали пакувања со тутун, 16 кутии цигари и други предмети со остатоци од бела прашкаста материја. Г.С.М. била задржана во полициска станица.
На 03.06.2026 во Скопје, на различни локации, полициски службеници од СВР Скопје ги лишија од слобода К.А.(41) од с.Катланово, скопско, Г.Б.(37) од с.Волково, скопско, Б.С.(35) од с.Горобинци, светиниколско, 16-годишник од с.Рашче, скопско, 16-годишник од Скопје, Џ.Б.(27) од Турција и Џ.Е.Б.Л.К.(19) од Канада, затоа што кај нив се пронајдени и одземени бела прашкаста материја, кафеава грутчеста материја и марихуана.
На 03.06.2026 во 01:15 часот на ул.„Партизанска” во Битола, полициски службеници од СВР Битола ги лишија од слобода Ј.Т.(37) и Е.Н.(37), двајцата од Битола, затоа што при извршен преглед над нив, кај Ј.Т. била пронајдена и одземена марихуана.
На 03.06.2026 во 21:30 часот во с.Дебреше, гостиварско, полициски службеници од ОВР Гостивар го лишија од слобода Ш.И.(21) од с.Врановце. При преглед на патничко возило „нисан“ со гостиварски регистарски ознаки, во кое бил пријавениот, во неговата торба биле пронајдени и одземени марихуана и пари. На 03.06.2026 во 22:15 часот на ул.„Живко Брајкоски“ во Гостивар, по претходно добиени информации и преземени мерки, полициски службеници од ОВР Гостивар во канта за отпадоци пронашле неколку пакувања со марихуана. Пронајденото е подигнато за вештачење и се преземаат мерки за расчистување на случајот.
По целосно документирање на случаите, ќе следуваат соодветни поднесоци.