Анкета на БИПС: Победа на ВМРО-ДПМНЕ со 54 пратеници во Собранието

Победа на ВМРО-ДПМНЕ со освоени 54 пратеници предвидуваат резултатите од спроведената анкета на Институтот БИПС (за истражување во областа на безбедноста и демократизацијата на човековите права и слободи).

На анкетата спроведена во период од 29 јуни до 3 јули, 24,3 проценти од граѓаните одговориле дека ќе гласаат за ВМРО-ДПМНЕ на претстојните избори. За СДСМ и БЕСА гласот би го дале 20,4 отсто од анкетираните граѓани.

Во албанскиот политички блок, за ДУИ би гласале 4,2 проценти, додека за Алијанса за Албанците 3,1 отсто од анкетираните граѓани.

Од Институтот добиените резултатите ги претвориле во пратенички мандати во законодавниот дом, па според тоа ВМРО-ДПМНЕ ќе има 54 пратеници, а СДСМ 47.

Анкетата била спроведена телефонски врз 1.323 испитаници при што е водено сметка за демографската структура и етничката припадност.

 

 

 

Добивајте вести на Viber

08.07.2020 - 11:36

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега