Анкета ИПИС: Победник на изборите ќе биде ВМРО-ДПМНЕ, Мицкоски со поголема доверба од Заев
ВМРО-ДПМНЕ ќе биде победник на изборите закажани за 15 јули, а Христијан Мицкоски е со најголема доверба кај граѓаните меѓу политичарите покажуваат податоците од најновата анкета на Институтот за Политички Истражувања од Скопје (ИПИС) спроведена во периодот помеѓу 2 и јули на 1087 полнолетни испитаници во Македонија.
Според дадените одговори на граѓаните, за ВМРО-ДПМНЕ на изборите ќе гласаат 21.9 проценти од анкетираните, додека за СДСМ 19.8.
Во албанскиот блок за ДУИ би гласале 5.9 проценти од испитаниците, за Коалиција АА и Алтератива 4.2 отсто. Левица, од анкетираните граѓани, поддршка добила од 1.9 проценти. Не знаат/не сакаат да дадат одговор на ова прашање се 17.1 односно 16.4 проценти од анкетираните граѓани.
28.2 проценти од испитаниците Македонци ќе гласаат за ВМРО-ДПМНЕ на овие избори, додека за СДСМ 23 проценти.
Кај испитаниците Албанци, најголема доверба има ДУИ со 25,9 проценти, па Коалиција АА и Алтернатива. За СДСМ би гласале 10.7 отсто од ипитаниците Албанци.
Граѓаните на анкетата истакнале дека Христијан Мицкоски е политичарот во кој имаат најголема доверба. Својот глас за него го дале 19.2 отсто од анкетираните, додека за Заев 17.6 проценти. Билал Касами и Мендух Тачи се политичарите со најмала доверба кај граѓаните.
Во истражувањето граѓаните ги изразуваа своите ставови за нивната поддршка за политичките партии и политичари.
Од ИПИС информираат дека истражувањето беше реализирано со користење на случаен примерок кој беше стратификуван за да се запази репрезентативноста на населението во Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа