Ако ова е заштитата на живеалиштето на волците, тогаш имаме сериозен проблем
Оградата што се гледа на снимката не остава впечаток на безбедносен систем соодветен за чување диви животни. Напротив, отвора сериозни сомнежи дали воопшто биле обезбедени минималните стандарди за заштита и спречување на бегство.
Под ваква ограда бега куче со 15 минути копање, а не волк, реагираат од Анима Мунди
Безбедноста на диви животни не смее да се обезбедува со импровизација. Не смее да зависи од среќа. И не смее да се правда со молк. Не, не е вина на само сегашниот директор, ова вака опстојува во континуитет
Бараме:
итно затворање на ЗОО Скопје до завршување на независен инспекциски надзор;
инспекција на сите живеалишта, огради, кафези и безбедносни системи, со јавно објавување на наодите;
независна истрага за бегството на волците, усмртувањето на животните и утврдување на одговорност за сите пропусти;
мораториум на размножување и внесување нови животни додека не се обезбедат услови што ги исполнуваат законските и стручните стандарди;
план за затворање на ЗОО Скопје и негова трансформација во спасувачки и рехабилитациски центар за животните што веќе се таму.
Институција што не може да гарантира сигурност за животните што ги држи во заробеништво, не може да гарантира ниту безбедност за граѓаните, стои во објавата на Анима Мунди.