Ангеловски: Среќен сум што го остваривме сонот на сите генерации

Селекторот на фудбалската репрезентација на Македонија во заминување, Игор Ангеловски вели дека е среќен што го фудбалерите го остварија сонот на сите генерации. Тој заминува од тренерското место, а како што шпекулираат спортските медиуми, најверојатно на негово место ќе дојде Благоја Милевски.

-Да, дефинитивно заминувам. Јас со задоволство го одработив секој момент како селектор на македонската репрезентација, а причините зошто нема да продолжам се добро познати на јавноста. Пак ќе кажам дека сум среќен што го остваривме сонот на сите генерации, на македонската фудбалска репрезентација и посакувам се најдобро во иднина и дај Боже да се радуваме на уште вакви големи настани, изјави Ангеловски по пристигнувањето во Скопје.