Американските авио-компании денес откажаа речиси 1.200 летови, а откажувањата петти ден по ред надминаа 1.000 поради продолжувањето на блокадата на работата на федералната влада, односно поради недостаток на персонал во контрола на летови.
Намалувањето на бројот на летови денес се зголеми на шест проценти, а се планира да достигне осум проценти во четврток и 10 проценти во петок, пренесе „Ројтерс“.
Американските авио-компании денес одложија повеќе од 1.300 летови, додека во понеделник беа откажани 2.900 летови, а 9.600 беа одложени, според податоците од сајтот за следење летови FlightAware.