Соединетите Американски Држави попладнево започнаа серија воздушни напади врз воени цели во Иран. Администрацијата на претседателот Доналд Трамп ги опишува овие операции како „напади во самоодбрана“, кои доаѓаат како директен одговор на соборувањето на американскиот воен хеликоптер „АХ-64 Апачи“ над Ормутскиот теснец.
Парадоксално, нападите доаѓаат во моменти кога претседателот Трамп јавно изјавува дека Вашингтон и Техеран се наоѓаат многу блиску до постигнување на финален мировен договор.
Официјални извори од американската војска потврдија за медиумите дека дејствијата на терен се веќе започнати.
„Американската војска соопшти дека започнала „самоодбранбени напади“ врз Иран, објави телевизијата „Скај Њуз“. Акцијата започна во 17 часот по источно време, а во соопштението од Централната команда на САД (CENTCOM) се наведува дека нападите биле извршени по директна наредба на Доналд Трамп како одговор на соборувањето на американскиот воен хеликоптер.“
Од воениот врв на САД потенцираат дека операцијата нема за цел да предизвика тотална војна, туку е строго прецизиран одговор.
„Мисијата е пропорционален одговор на неоправданата иранска агресија“, се додава во официјалното соопштение на американската команда.“
Како реакција на ова, од Техеран веднаш пристигнаа остри реторички реплики и закани за контраофанзива.
„Иранските државни медиуми цитираа воени извори кои се закануваат со „решителен одговор“ ако САД го искористат падот на хеликоптерот како изговор за непријателство. Сепак, ирански воен извор тврди дека во последните 24 часа не биле извршени никакви офанзивни операции во Ормутскиот теснец.“