Македонија се соочува со алармантен пораст на сообраќајните несреќи и жртви во последните четири години, покажуваат најновите податоци на Државниот завод за статистика. Додека бројките растат, државата официјално го стартува системот „Безбеден град“ за да го запре овој негативен тренд.
Статистиката е немилосрдна: во 2024 година животот го загубиле 142 лица, што е највисока бројка во последниот четиригодишен циклус. Најголем дел од жртвите се возачи (85), по што следуваат патниците и пешаците.
„Бројот на сообраќајни незгоди, кој во 2021 година изнесувал 4.069, во 2024 достигнува 4.526 незгоди. Паралелно со растот на несреќите, расте и бројот на настраданите лица – 7.298 во 2024 година“, покажуваат податоците.
Како одговор на овој хаос, системот „Безбеден град“ веќе во тест-фазата покажа фрапантни резултати. Само во првите 24 часа од тестирањето беа регистрирани неверојатни 110.000 прекршоци, главно за пребрзо возење.