Бугарскиот министер за енергетика, Трајчо Трајков, нареди итни мерки по шокантните наоди за радиоактивна контаминација во Софија, лоцирана на само 80-тина километри од границата со Србија. На поранешната локација за складирање изотопи во населбата Малинова Долина, измерени се нивоа на зрачење кои се меѓу 10 и 70 пати повисоки од природната позадина.
Мерењата се извршени директно над површината на земјата, а министерот испрати јасно предупредување до граѓаните строго да ги почитуваат забраните за движење во оградената зона.
Министерот ги предупреди граѓаните да не поминуваат низ оградената област, нагласувајќи дека државата мора да преземе решителни мерки за обновување и обезбедување на теренот. Тој го опиша случајот како долгогодишен проблем што не смее да остане нерешен во станбениот дел од главниот град – пренесуваат бугарските медиуми.
Иако нивоата се алармантни, властите тврдат дека доколку не се влегува во забранетата зона, нема непосредна опасност за поширокото јавно здравје.