Полициски службеници од Одделението за внатрешни работи (ОВР) Берово вчера спроведоа успешна акција за сузбивање на трговија со дрога во пехчевскиот регион.
На 7 јануари во 09:40 часот, во селото Црник, лишен од слобода е У.А. (25), жител на истото село. Апсењето следело по извршен претрес во неговиот дом, за кој полицијата претходно обезбедила судска наредба. При претресот, инспекторите пронашле и одзеле одредена количина на марихуана, како и семки од растението канабис.
Осомничениот е задржан во полициска станица, а по целосно документирање на доказите, против него ќе биде поднесена соодветна кривична пријава.