Повеќе локации во Скопје и околината денеска ќе бидат без електрична енергија поради планирани прекини во снабдувањето, информираат од Центарот за управување со кризи.
Во општина Аеродром, од 08:30 до 15:00 часот без струја ќе бидат корисниците на улицата „Коста Новаковиќ“, на потегот од ЗУР Маркет до крајот на слепата улица.
Прекин во периодот од 09:00 до 13:35 часот е најавен и за дел од Петровец, наплатната рампа Петровец, како и за селата Миладиновци, Текија и Дељадровце. Без електрична енергија ќе останат и објектите на Мак Петрол Миладиновци, М-Стеел и ЖТП Миладиновци.
Прекини ќе има и во општина Сопиште. Од 09:00 до 13:00 часот без струја ќе бидат корисниците во Горно Соње, на местото викано Подбрег, додека од 09:30 до 12:00 часот прекинот ќе ги опфати корисниците во Долно Соње, на локацијата Димково Лозје.
Информацијата е објавена од ЦУК, врз основа на известување добиено од ЕВН.

