Големата акција за чистење на јавните површини низ сите скопски општини продолжува денеска точно во 11 часот,организирана на повеќе од 50 различни локации. Оваа масовна иницијатива, која има за цел темелно уредување на главниот град, предвидено е да мобилизира илјадници волонтери кои ќе ги чистат парковите, улиците, пешачките патеки и меѓублоковските простори.
Првиот човек на Градот, Орце Ѓорѓиевски, упати отворен апел до сите скопјани масовно да излезат на терен и со личен пример да придонесат за поубава и попрегледна животна средина во нивните маала.
„Силата на Скопје е во неговите луѓе. Во рацете што чистат и во решителноста зад себе да оставиме поубав град!“, вели Ѓорѓиевски.
Пишува дека иако надлежните градски и општински служби имаат примарна обврска за одржување на хигиената, грижата за животниот простор бара одговорно однесување од секој поединец. Сите детални информации за точните точки на собирање граѓаните можат да ги добијат преку матичните општини.
„Оние што создаваат депонии мора да понесат одговорност. Нечија несовесност не смее да го поништува трудот на илјадници луѓе!“, вели Ѓорѓиевски.
Тој уште еднаш ги повика сите жители на Скопје да дадат свој придонес, нагласувајќи дека оваа акција треба да служи како вистински пример и позитивна лекција за помладите генерации.