Американскиот претседател Доналд Трамп изрази сомнеж во интегритетот на минатонеделните избори за Конгресот, само една недела откако јавно го призна поразот на неговата Републиканска партија и им честиташе на демократите.
Во објава на неговата социјална мрежа „Трут соушл“, Трамп отворено ја доведе во прашање чесноста на гласањето:
„Дали некој навистина верува дека овие ’Избори‘ беа чесни. Како можеа анкетите да бидат толку погрешни???“, напиша тој.
Тој исто така фрли сомнеж врз улогата на технологијата во изборниот процес, сугерирајќи дека гласачките машини имале клучна улога во крајниот исход.
„Сè е до машините, кои се далеку поважни од гласачот!“, додаде Трамп.
Овие новите ставови доаѓаат во целосна спротивност со неговото однесување во изборната ноќ, кога им честиташе на демократите за повторното освојување на контролата врз двата дома на Конгресот. Тогаш, во изјава за „Њујорк Тајмс“, тој изјави дека е „апсолутно подготвен“ да ги прифати резултатите и да соработува со нив во Конгресот.