Вчера вечерта, точно во 20:35 часот, во СВР Скопје е пријавена сообраќајна несреќа што се случила на улицата „Лазар Личеновски“ во главниот град, во која учествувале две патнички возила, а повредени се неколку лица.
Според полициските информации, несреќата се случила помеѓу патничко возило „цитроен“ со скопски регистарски ознаки, кое според изјавата на 24-годишната Н.Р. било управувано од 23-годишната Е.С., и патничко возило „фолксваген т-рок“ со скопски регистарски ознаки, управувано од 43-годишниот А.А., сите од Скопје.
Во незгодата, со тешки телесни повреди се здобила Е.С., додека со телесни повреди се здобиле Н.Р. и возачот А.А. Повредените лица биле пренесени во Комплексот клиники „Мајка Тереза“ и во Јавната здравствена установа „Св. Наум Охридски“ каде им била укажана лекарска помош.
На местото на настанот извршен е увид од страна на увидна екипа од СВР Скопје, со цел утврдување на точните причини кои допринеле за оваа сообраќајна несреќа.