Градоначалникот на Општина Гази Баба, Бобан Стефковски, остварил средба со претседателот на Собранието, Африм Гаши, на која разговарале за развојот на општината, инфраструктурните проекти и подобрувањето на условите за живот на граѓаните.
Како што информира Стефковски, средбата се одржала вчера, во конструктивна атмосфера, а во фокусот биле можностите за идна соработка и поддршка на локалните иницијативи.
На разговорите станало збор и за предизвиците со кои се соочуваат жителите на Гази Баба, како и за потребата од подобра институционална координација со цел реализација на проекти од интерес на граѓаните.
Стефковски посочува дека останува посветен на соработката со институциите и на иницијативите насочени кон развој на општината. Африм Гаши, пак, покрај функцијата претседател на Собранието, е и жител на Општина Гази Баба.