Лидерот на Демократски сојуз на Ромите, Самка Ибраимовски, доби уште една проштална порака од политичките соработници. Од него се прости и поранешниот министер за внатрешни работи Оливер Спасовски, кој го истакна неговиот долгогодишен ангажман за правата на ромската заедница.
Спасовски во својата објава посочи дека со Ибраимовски соработувале на бројни иницијативи насочени кон подобрување на условите за живот и заштита на правата на Ромите.
Тој го опиша како човек кој со години бил посветен на унапредувањето на положбата на својата заедница, истакнувајќи ја неговата истрајност и заложбите за правата на сограѓаните.
Во прошталната порака, Спасовски изрази сочувство до семејството, блиските и сите што го почитувале Ибраимовски.
„Нека почива во мир. Вечна му слава!“, порача Спасовски.