Танкер што пловел низ стратешки важниот Ормуски Проток бил погоден во напад изведен со чамец натоварен со експлозив, јавуваат светските медиуми повикувајќи се на информации од поморските безбедносни служби.
Според првичните извештаи од терен, инцидентот предизвикал материјална штета на пловилото, но за среќа не се пријавени жртви меѓу членовите на екипажот. Поморските власти веднаш испратиле спасувачки и безбедносни екипи за да ја проверат стабилноста на танкерот и да спречат евентуално истекување на нафта или други опасни материи во водите на овој критичен трговски пат.
Ормускиот Проток претставува една од најважните светски артерии за транспортот на нафта, а овој инцидент дополнително ги зголемува тензиите и стравувањата од ескалација на безбедносните ризици во регионот на Блискиот Исток.