Заинтересираните за добивање финансиска поддршка за проекти од областа на културата ќе имаат дополнително време за поднесување пријави, откако Министерството за култура и туризам го продолжи рокот за аплицирање до 6 ноември, петок, до 15:30 часот.
Продолжувањето се однесува на Годишните конкурси за финансирање проекти од национален интерес по одделни области и активности во културата за 2027 година.
Од Министерството ги повикуваат сите заинтересирани да ги поднесат своите пријави во предвидениот рок. За стручна помош при подготовката на апликациите, кандидатите можат да се обратат до надлежните сектори во Министерството за култура и туризам.
Пријавувањето се врши електронски преку Националниот портал за е-услуги: https://uslugi.gov.mk.