Украинскиот претседател Володимир Зеленски изјави дека очекува трилатералните преговори меѓу преговарачите од Украина, Русија и Соединетите Американски Држави да се одржат во Абу Даби во периодот меѓу 6 и 10 ноември. Истовремено, Киев отворено инсистира на задолжително учество на европските земји во процесот на решавање на конфликтот.
Според Зеленски, овие разговори на техничко ниво се клучни за подготвување на понатамошни чекори кон конечно запирање на војната, при штоглавен фокус ќе бидат безбедносните прашања, хуманитарните прашања и можните решенија за стабилизација на регионот. Украинскиот лидер нагласи дека единството и силниот меѓународен притисок се неопходни за постигнување праведен мир:
„Сакаме да ја придвижиме оваа војна кон крај, а не едноставно да продолжува… Киев инсистира Европа да биде вклучена во разговорите за тоа како да се стави крај на војната, бидејќи потребни се единство и посилен притисок,“ порача украинскиот претседател.
Иницијативата за разговорите доаѓа во периодот кога меѓународната заедница ги интензивира дипломатските канали за изнаоѓање излез од повеќегодишната криза.