Од 15 ноември стапува на сила обврската за задолжителна зимска опрема во возилата, а возачите кои нема да ги почитуваат правилата може да бидат санкционирани.
Обврската ќе важи до 15 март 2027 година, а се однесува на сите моторни возила согласно условите пропишани со закон.
За патничките возила до 3.500 килограми, како зимска опрема се сметаат зимски пневматици на сите четири тркала со минимална длабочина на шарата од 4 милиметри, или летни пневматици со иста минимална длабочина, но со синџири за снег со соодветна големина во возилото.
За непоседување на пропишаната зимска опрема предвидена е глоба од 45 евра во денарска противвредност.
Со оглед на тоа што до почетокот на зимската сезона останува уште малку време, возачите треба навреме да ја проверат опремата и состојбата на пневматиците.