Најмалку 33 лица се убиени во израелски напади во Појасот Газа од утрово, соопштија болнички палестински извори.
Според нив, 24 од загинатите се во градот Газа, каде Израел продолжува со воздушната и копнената офанзива против милитантната група Хамас.
Израелската војска соопшти дека и понатаму ги таргетира милитантите низ целиот Појас Газа и дека ја интензивирала офанзивата во градот Газа, кој го опишува како последното упориште на Хамас.
Трупите вчера убиле членови на вооружени групи кои се обидувале да постават експлозиви, додаде армијата во соопштение. Израелската морнарица, во меѓувреме, соопшти дека уништила магацин со оружје на Хамас.
Војската, исто така, извести за посебен обид за напад од Газа, наведувајќи дека биле испукани два проектили кон Израел, но не ја погодиле својата цел.