ВМРО-ДПМНЕ обвинува дека Венко Филипче и Зоран Заев во минатото граделе блиски политички односи со српскиот претседател Александар Вучиќ, посочувајќи ги нивните средби, заедничките дружења и кадровските решенија како аргументи за нивната поврзаност.
Од партијата велат дека денешните критики на Филипче кон Вучиќ се во спротивност со неговите претходни политички постапки и тврдат дека врските меѓу СДСМ, Заев и Филипче со српскиот претседател биле многу подлабоки.
ВМРО-ДПМНЕ во соопштението наведува и дека луѓе блиски до Вучиќ добивале позиции во институции и во партиските структури, додавајќи дека политичката поврзаност меѓу нив допрва ќе се открива.
„Венко Филипче и Александар Вучиќ се едно исто“, порачуваат од ВМРО-ДПМНЕ, оценувајќи дека политичкиот пад на СДСМ, според нив, сега се надоврзува и на состојбите во Србија.