Пожар избувнал во автомобил „џили“ во скопската општина Карпош во раните утрински часови на 19 октомври. Огнот го зафатил и соседното возило „тојота“, а во инцидентот нема повредени.
Според информациите од МВР, пожарот бил пријавен околу 1:20 часот по полноќ. Автомобилот „џили“ бил во сопственост на 42-годишен скопјанец, додека „тојотата“, која исто така била зафатена од огнот, била во сопственост на 74-годишен жител на Скопје.
Пожарот го изгаснала Бригадата за противпожарна заштита на Град Скопје. Надлежните преземаат мерки за утврдување на причините за пожарот и расчистување на случајот.