Полициските служби започнаа итна потрага по маж кој на 13 октомври го напуштил својот дом во Ѓаковица, по што му се губи секаков траг. Случајот е официјално евидентиран во дневниот полициски извештај како исчезнато лице.
Според информациите од полицијата, мажот го напуштил семејниот дом околу 7:00 часот наутро и повеќе не се вратил.
Во полицискиот извештај засега не се наведуваат податоци за неговиот идентитет, возраста или конкретните околности под кои заминал од домот. Случајот е под активна истрага.
Овој инцидент е дел од серијата пријавени исчезнувања на тоа подрачје во изминатите неколку дена.
Во текот на изминатата недела беа евидентирани уште неколку случаи: едно девојче и една жена беа пријавени за исчезнати во Глоговац и Вуштри, двајца малолетни пријатели во Горњи Ливоч кај Гњилане, како и еден маж од Косово Поле.
Со последниот случај во Ѓаковица, бројката на регистрирани исчезнати лица достигналa најмалку шест, а засега нема официјална потврда дали некое од нив е пронајдено.