Управата за хидрометеоролошки работи (УХМР) ги објави најновите податоци за измерените температури низ мерните станици во земјава.
Според официјалните податоци, најниска температура е измерена на Попова Шапка, каде термометрите покажаа 2,1 степен.
Ниски температури се регистрирани и во Крушево со 5,9 степени, Радовиш со 6,2 степени, како и во Маврови Анови каде се измерени 7,8 степени.
Во останатите градови, во Прилеп се измерени 8,4 степени, Берово 8,6, Крива Паланка и Лазарополе 8,7, а во Пожаране и Тополчани 9,2 степени. Под 10 степени се измерени уште во Виница (9,6) и Претор (9,7).
Најтопло претпладнево е во Гевгелија со измерени 17,0 степени. Меѓу потоплите региони се и Велес со 14,1 степен, Зајчев Рид со 13,4 степени, Демир Капија со 13,3 и Кавадарци со 12,9 степени.
Во главниот град, на мерната станица Скопје-Петровец се измерени 11,7 степени. Во Охрид се измерени 10,9, Струмица 11,1, Тетово 11,4 и Битола 11,6 степени.
За мерната станица во Штип нема податок за измерената температура.