Скопјанка преживеала хорор: „Кога се вратив, вратата беше разбиена и блокирана со стол, внатре имаше лице кое ме нападна и побегна со парите“

Вчера околу 16:00 часот во СВР Скопје, Л.П.(50) од Скопје пријави дека на подрачјето на општина Аеродром, кога се вратила во нејзиниот стан забележала дека вратата од станот била насилно отворена и оштетена, но не можела да влезе затоа што била блокирана со столица, известија од МВР.

Откако успеала да ја тргне столицата, влегла внатре и забележала едно лице, кое ја нападнало со тврд предмет и побегнало. После тоа, таа забележала дека од станот биле одземени пари. Се преземаат мерки за расчистување на случајот, стои во соопштението од МВР.