Тело на 79-годишен маж од Скопје било пронајдено вчера попладне во прилепското село Зрзе, општина Долнени.
Според информациите од Министерството за внатрешни работи, случајот бил пријавен на 13 октомври 2026 година, околу 16:45 часот, во Полициското одделение Ропотово. Во пријавата било наведено дека во селото Зрзе е пронајден починат Т.Б. (79) од Скопје.
Смртта на лицето била констатирана од страна на лекар од Итната медицинска помош од Прилеп.
На местото на настанот увид извршила увидна екипа од ОВР Прилеп. По наредба на јавен обвинител, телото на починатиот било предадено на обдукција за да се утврдат точните причини за смртта.