Во обемна и синхронизирана акција на српските безбедносни служби по наредба на Јавното обвинителство за организиран криминал (ЈТОК), уапсени се седум лица осомничени за низа најтешки кривични дела, меѓу кои и за ликвидацијата на Живко Бакиќ во белградската населба Трешња, како и за киднапирањето и убиството на Милан Стоковиќ.
Во акцијата учествуваа припадници на УКП, СБПОK, БИА, САЈ, Жандармеријата, Техничката дирекција и повеќе полициски управувања, при што се приведени Р. Ѓ., М. И., А. С., А. С., П. М. и С. Д. од Белград, како и Н. Ж. од Пожаревац. Вкупно 12 лица се опфатени со кривичната пријава, додека дел од осомничените се веќе во притвор во земјава и странство, а по едно лице сè уште се трага.
Осомничени се товариат за здружување поради вршење кривични дела, тешко убиство, недозволено производство и трговија со оружје, како и за неовластена трговија со наркотици. Истрагата за прв пат официјално ги поврзува убиството на Милан Стоковиќ и ликвидацијата на Бакиќ, кој беше убиен од заседа на 16 јануари 2026 година додека бил на дозволена едночасовна прошетка во домашен притвор.
Живко Бакиќ (43), кој во младоста важел за перспективен фудбалер, подоцна беше идентификуван како водач на криминална група одговорна за шверц на 324 килограми кокаин запленет во Солун во 2021 година. По апсењето во 2023 година во меѓународна акција со Европол, тој по дел минат притвор беше префрлен во куќа во Трешња, каде што на крајот беше усмртен од ривалски клан.
На уапсените им е одредено полициско задржување до 48 часа, по што ќе бидат изведени пред обвинителството со соодветни кривични пријави.