Крвав масакр и кошмарна сцена ги шокираа жителите на американскиот град Ери, откако вооружен маж отворил оган и убил девет лица пред да посегне по сопствениот живот.
Вооружениот напаѓач сеел смрт и во самиот дом и пред него, извршувајќи го суровиот напад непосредно пред полициските патроли да пристигнат на местото на настанот.
Кога припадниците на полицијата и брзата помош упаднале на локацијата, затекнале морбидна слика и пронашле девет тела без знаци на живот, додека егзекуторот веќе им подлегнал на самонанесените рани од огнено оружје.
Првиот човек на локалната полиција, Рик Лора, по соочувањето со грозоморната сцена изјави дека ова е еден од најтешките и најпотресните моменти во неговата кариера.
Гувернерот на Пенсилванија, Џош Шапиро, веднаш ја контактираше градоначалничката Дарија Девлин и истакна дека државата ги става сите ресурси на располагање додека истражителите работат на утврдување на мотивот.