Брвеница е наша, заедничка на сите нас и не смее да биде сопственост на ниту една политичка партија. Нејзината иднина не смее да зависи од тоа кој за кого гласал, бидејќи градоначалникот мора да биде градоначалник на сите жители. Ова на фејсбук го напиша премиерот Христијан Мицкоски.
-Продолжуваме со конкретни проекти, конкретни рокови и конкретна одговорност, изградба и реконструкција на локалните патишта, доизградба на канализациските мрежи, подобрување на водоснабдувањето и развој на индустриската зона за привлекување нови инвестиции и отворање нови работни места. Нашата цел е младите да ја гледаат својата иднина токму овде, во Брвеница, напиша Мицкоски, споделувајќи и видео.
Вели, додека едните шират лаги, клевети и измислици, а другите испраќаат национал-романтични пораки, тие одговараатсо единство, конкретна работа, љубов кон Брвеница и љубов кон Македонија.
-Ние простуваме, но не забораваме. На 18 октомври ја завршуваме работата!, вели Мицкоски.